Leiðsagnarnám

Leiðsagnarnám, skref fyrir skref

Ný bók um leiðsagnarnám er komin út!

Bókinni er ætlað að gefa kennurum, sem vinna að þróun leiðsagnarnáms í grunnskólum, aðgang að hagnýtri leiðsögn sem stuðlar að árangursríku námi allra nemenda.

Bókin skiptist í fimm hluta:

Námsmenning: Trú nemenda á eigin getu og námsvitund
Að deila námsmarkmiðum og árangursviðmiðum
Árangursríkar samræður sem stuðla að því að nemendur læri saman
Sífelld leit eftir skilningi nemenda
Endurgjöf sem leggur áherslu á árangur og framfarir

Höfundur og útgefandi er Nanna Kristín Christiansen, sem einnig er höfundur bókarinnar Leiðsagnarnám, hvers vegna, hvernig, hvað? Að hluta til er um sama efni að ræða en með nýju bókinni er aukin áhersla lögð á hagnýta leiðsögn og verkefni með tengingu við aðalnámskrá grunnskóla. Teikningar eru eftir Ásdísi Jónsdóttur.

Bókin verður til sölu hjá Bóksölu Stúdenta

Skólar og aðrir sem kaupa fimm eintök eða fleiri geta jafnframt keypt bókina beint frá útgefanda (kr. 5.700 stk.)

Leiðsagnarnám Hvers vegna, hvernig hvað?

Bókin Leiðsagnarnám, hvers vegna, hvernig, hvað? er einkum skrifuð með kennara og skólastjórnendur í huga. Efnið á einnig erindi við aðra sem koma að námi og uppeldi barna og ungmenna og vilja nýta niðurstöður umfangsmikilla rannsókna og reynslu reykvískra skóla til að stuðla að aukinni ábyrgð og framförum nemenda. Hún getur einnig hentað til háskólakennslu og þjónað því hlutverki að vera hugmyndabanki fyrir komandi kynslóðir kennara og stjórnenda. Í bókinni flettast saman fræðileg umfjöllun, reynsla kennara og skólastjóra og hagnýt viðfangsefni auk þess er að finna fjölda tenginga við myndbönd, verkefni og lesefni um leiðsagnarnám.

Bókin er einungis fáanleg hér sem rafbók.

„Verkfærin“ í leiðsagnarnámi og notkun þeirra

Væntanlega er helsta skýringin á miklum vinsældum leiðsagnarnáms í heiminum sú að ekki er vitað um annað, sem kennarar hafa á valdi sínu, sem getur skilað nemendum jafn miklum framförum í námi (Wiliam , 2020). Megin niðurstöður umfangsmikilla rannsók...

Endurgjöf sem stuðlar að framförum

Í ljósi þess að mikil orka og tími hefur farið í umræður um námsmat og framkvæmd þess, er rannsókn nokkur sem gerð var í Ísrael mjög athyglisverð. Í myndbandinu sem hér fylgir: „Providing feedback that moves learning forward“ fjallar Wiliam um helstu...

Leiðsagnarnám í Tímariti Kennslumiðstöðvar Háskóla Íslands

Þessi grein um leiðsagnarnám birtist á bls. 28-30 í Tímariti Kennslumiðstöðvar Háskóla Íslands, 2021, 9 (1).

Það sem leiðsagnarnám er og það sem það er ekki

Fáir fræðimenn þekkja betur til rannsókna á leiðsagnarnámi (formative assessment) en Dylan Wiliam gerir en hann fullyrðir að leiðsagnarnám sé áhrifamesta leiðin til að tryggja framfarir nemenda. Wiliam varar hinsvegar við því að ekki sé allt sem kall...

Hvers vegna markmið?

Af og til heyri ég á efasemdaraddir úr kennarahópum varðandi það að setja námsmarkmið fyrir hverja kennslustund, ég leyfi mér þó að efast um að þessir sömu kennarar hefji nokkra kennslustund án þess að hafa einhverjar væntingar ...

Hvers vegna námsfélagar?

Hvers vegna eru námsfélagar eitt helsta einkenni leiðsagnarnáms? Stutta svarið er að með leiðsagnarnámi er lögð áhersla á að nemendur hugsi um það sem þeir eru að læra og að nemendur læri í námssamfélagi. Ein öruggasta leiði...

Hvers vegna leiðsagnarnám?

Hugmyndafræði og aðferðir sem einkenna leiðsagnarnám eru augljósar í menntastefnum víða um heim enda þó þær gangi oft undir öðrum heitum, sem dæmi má nefna Student-centered learning og Visible learning. Megin markmiðið er að gera...

Nanna Kristín Christiansen

Nanna Kristín Christiansen er uppeldis- og menntunarfræðingur og hefur starfað á sviði menntamála í áratugi. Lengst af var hún grunnskólakennari en síðar verkefnastjóri á skóla- og frístundasviði Reykjavíkur. Jafnframt hefur hún verið gestakennari við Menntavísindasvið HÍ og sjálfstætt starfandi fyrirlesari og ráðgjafi. Nanna er höfundur bókarinnar Skóli og skólaforeldrar, Ný sýn á samstarfið um nemandann (2010) og handbókarinnar Ofbeldi gegn börnum, hlutverk skóla (2014) ásamt Guðrúnu Kristinsdóttur. Nanna og Edda G. Kjartansdóttir, eru ritstjórar veftímaritsins Krítarinnar sem fjallar um uppeldis- og menntamál.